Монголын Хуульчдын холбооны Үндсэн хуулийн эрх зүйн хорооны тэргүүн болон Удирдах зөвлөлийн гишүүдийн бүрэн эрх дуусаж 2026 оны 02 дугаар сарын 27-ны өдрөөс 2026 оны 03 дугаар сарын 05-ны өдрүүдэд цахим сонгууль зохион байгуулан шинэ бүрэлдэхүүнийг сонгосныг Монголын Хуульчдын холбооны Зөвлөлийн 06 тоот тогтоолоор батламжилсан билээ.

Шинээр сонгогдсон Удирдах зөвлөл 2026 оны 06 дугаар сарын 08-ны өдөр анхны хурлаа зохион байгуулж, хорооны 2026-2029 оны үйл ажиллагааны төсөөлөл болон 2026 онд хэрэгжүүлэх ажлын талаар хэлэлцлээ. Мөн Үндсэн хуулийн эрх зүйн хорооны нийт гишүүдийг хорооны ажилд оролцуулах, үүний тулд мэдээлэл өгөх, санал бодлыг нь сонсох, тусгах нөхцөлийг бүрдүүлэх, Үндсэн хуулийн эрх зүйн чиглэлээр нарийвчилсан судалгааны ажлыг эхлүүлэх, түүний үр дүнг хэлэлцүүлэх, нийтэд мэдээлэх боломжуудын талаар санал солилцлоо.