I. Оршил 
II. Шүүгчийн тусгай санал, түүнийг нийтэд нийтлэх ач холбогдол
III. Шүүхийн шийдвэрт саналын тооны харьцааг тусгах ач холбогдол
IV. Монгол Улсын эрх зүйн зохицуулалт, түүнийг хөгжүүлэх шаардлага 
V. Дүгнэлт 
VI. Санал

[ТОВЧ УТГА] 

Монгол Улсын шүүх эрх мэдлийн шинэчлэлийн үзэл санаа цаашид ч тодорхой үе шаттайгаар хэрэгжинэ гэдэг нь гарцаагүй бөгөөд тэрхүү үзэл санааны үргэлжлэл болгох үүднээс шүүх эрх мэдлийн үйл ажиллагааны хүрээнд дэлхий дахинаа түгээмэл хүлээн зөвшөөрөгдсөн үнэт зүйлс, ойлголтыг нутагшуулах, тэдгээрийг хөгжүүлэх бодит хэрэгцээ, шаардлага байна хэмээн судлаач, шүүгчдийн зүгээс үзэж, Монгол Улсын шүүхийн үйл ажиллагаа, хууль зүйн шинжлэх ухааны эргэлтэд оруулах зорилгоор энэхүү эрдэм шинжилгээний өгүүллээрээ дараах асуудлуудыг судалж, тодорхой үр дүнд хүрэх зорилт тавьсан болно. Үүнд: - Шүүгчийн тусгай саналын талаарх ойлголт, түүнийг нийтэд нийтлэх ач холбогдлын талаар судлах; - Шүүхийн шийдвэрт шүүгчийн саналын харьцааг тусгах, нээлттэй болгох хэрэгцээ, шаардлагыг судлах; - Гадаадын зарим улс орны хууль тогтоомжийн зохицуулалтыг судлах; - Гадаад улсын шүүхийн практикт хэрэглэж буй туршлагыг судлах. Дээрх асуудлуудыг судалснаар цаашид хийгдэх Монгол Улсын шүүх эрх мэдлийн шинэчлэлийн ажилд судалгааны нэгэн эх сурвалж болоод зогсохгүй, бодит агуулгаараа шүүх эрх мэдлийн шүүн таслах үйл ажиллагааны ил тод, нээлттэй байдал, хууль зүйн шинжлэх ухааны болон практикийн салбарын үр нөлөөнд ахиц дэвшил бий болгох ач холбогдолтой гэж зохиогчид үзэж байгаа болно. 

[ТҮЛХҮҮР ҮГС] 

Монгол Улсын шүүхийн тухай хууль, Монгол Улсын шүүх эрх мэдэл, шүүх, шүүн таслах ажиллагаа, шүүхийн шийдвэр, шүүгчийн тусгай санал, шүүгчийн санал, саналын тооны харьцаа.