Монголын Хуульчдын холбооны Эвлэрүүлэн зуучлалыг дэмжих хорооны Удирдах зөвлөл 2025 оны есдүгээр сарын 16-ны өдөр хуралдлаа.

Хурлаар 2025 оны төлөвлөгөөний биелэлтийг хэлэлцэж, төлөвлөсөн ажлуудыг төлөвлөгөөт хугацаанд хэрэгжүүлэхээр анхаарч ажиллах, Эвлэрүүлэн зуучлалын тухай хуулийн төсөлд санал авах хэлэлцүүлгийг IDLO-той хамтран зохион байгуулах, Эвлэрүүлэн зуучлалын сургалтын хөтөлбөрийг Сургалтын хороогоор магадлан итгэмжлүүлэх зэрэг асуудлыг хэлэлцсэн. Мөн ирэх долоо хоногт “Эвлэрүүлэн зуучлалын олон улсын туршлага” сэдвээр өглөөний уулзалт, 2025 оны 11 дүгээр сарын 01-ний өдөр Эвлэрүүлэн зуучлалыг дэмжих хорооны нэрэмжит боулингийн нөхөрсөг тэмцээнийг хороодын дунд тус тус зохион байгуулахаар боллоо.